17 Şubat 2018 Cumartesi

Bertîla Berî Pêrar: Sala Bertilê

Sirûc
zimên
Dema min ji wê strana navdar ''par qîz bû îsal jin e'' bihîst, ez bi şopê ketim û elimîm ku ''par'' ew ''sala çûnî'' ya di devoka min de ye.

Paşê ku ez hinekî bi edebîyatê ketim min dît ''pêrar'' jî heye. Bo gîsnekî din li gotinên xwe xînim, îcab bike neke, min ''par û pêrar'' nivîsî li gelek cîhan. 


''Par'', ''sala çûnî'' bû baş e, ''pêrar'' jî sala berî ''par''ê bû û jê wêde jî tune bû; hetttttttta vê sibê.

Îro Paşînê, ku min li ser taşteyê ji devê bavê xwe ''sala bertilê'' bihîst, min hişt şora xwe temam bike û ku qedand, min tavilê jê maneya ''bertil''ê û ''par'' û ''pêrar''ê pirsî.

Ferheng-ê min î li ser 70'î xistîye, da zanîn ku ''par û pêrar li hêla şerqî heye, li Sirûcê tine'' û bo salên berê jî ew tiştên din dibêjin.

Li gorî gotina wî, eger di ser qewamekê re

1 sal derbas bûbe meriv dibêje, sala çûnî 

2 sal derbas bûbin
meriv dibêje, sala berê

3 sal derbas bûbin meriv dibêje, sala bertilê

Min sala çûnî ji xwe re Instagram vekir.

Sala çûnî ne sala berê bayî kur zêde bû.

Şemê sala berê ne sala bertilê bira zewicand.

Min li ferhanga D. Îzolî nihêrî, ''bertil'' tune lê ''bertîl'' heye, ku ew jî li ser perexwarinê ye. Jixwe ew peyva li gelek cîhan tê gotin bi qasî zanim û qey dibêjin ''bertîl keviran nerm dike''

Li cem we bo salên berê çi dibêjin? Her çiqas salên çû mede dû jî, eger bo salên berê tiştekî cihê heye li cem we, ji kerema xwe di şiroveyan de binivîsin. 

11 yorum:

  1. Ji bo vê nivîs û agahiya hêja gelek spas dikim 😊😊

    YanıtlaSil
  2. Ev ne cara ewil e ez dibînim devoka me û Surûcê pir nêzîkî hev e.
    Li wêranşarê em jî dibêjin "sala çûnî, sala çûnî van çaxan em li zozanan bûn.
    Ji dêlî "bertilê" em dibêjin "bertirê"
    Ne sala çûnî, sala bertirê.
    Do, pêr, pitirpêr.
    Par, pêrar...

    YanıtlaSil
    Yanıtlar
    1. Apê Zinar,

      Wêranşar e tim e bi jahr e, Sirûclî ye tim î sûclî ye :) Jahr û sûc ne dûrî hevdu ne, loma normal nêzîkîya devokên wan jî normal e :)

      Sil
  3. Omer wek Apê Zinar jî diyar kiriye, eslê peyvê bertir e lê ji ber guherîna dengan a r/l li cem we bûye bertil. Mebest ji sala bertir ew e ku yanî ji sala berê wêdetir e, wek berê-tir, kevintit. Ev -tir di pêtirpêr, rojtir, sibetir û saltirê de jî heye.

    YanıtlaSil
    Yanıtlar
    1. Înanolo,

      Tu rast dibêjî, bes ez vê sibê fikirîm ser guherîna r/l wekî din ti peyv nehatin bîra min.

      Sil
    2. Wek arîkarî/alîkarî , werê/welê hwd.

      Sil
    3. Kermêş/kelmêş, per/pel, qerebalix/qelebalix, şalûr/şalûl. Ji bo agahiyên berfirehtir li Kürtçede Ses Değişimi a M. Malmîsanij binere.

      Sil
    4. Spas, niha dilî min tam lê rûnişt.

      Sil
  4. Çiyayî yên me par/pêrar dibêjin. Em ên deştî jî sala çûnî / sala berê dibêjin. :)

    YanıtlaSil
    Yanıtlar
    1. Ê me full deşt e welle, çîya tune ne li der û dora me :)

      Sil

Related Posts with Thumbnails