25 Şubat 2018 Pazar

Dîyalogên Bêedeb - 1: Asya Dawid: Dildarê Min Nîhaye Dilê Min

Rêza ''Dîyalogên Bêedeb'' ya Asya Dawid û H. Kovan Baqî destpê kir. Di vê rêzedîyalogê de, ku taybet bo xwendevanên Perxudresê tê hazir kirin, Asya û Kovan mehê carê pirsan vediweşînin hevdu û pirsên ekstra yên xwendevanên blogê jî dibersivînin.

Di beşa yekê ya vê rêzê de H. Kovan Baqî dipirse û Asya Dawid bersivan dide. Bo dîyaloga li pêş me, dê Asya bipirse û Kovan bibersivîne. Hûn jî dikarin pirsên xwe li şiroveyan binivîsin.


Asya
Rîwayet dibêje “Heger Asya Dawid ji ca xwe newelidiya dînozor qirr nedibûn.” Ma ev rast e? Go rast be, çima?

Erê erê, min jî tiştekî wilo bihîstibû. Çaxa DÎNA ca min û ZORê bavê min, li cîyekî çîkên wan li hev geriyan,  bi hovitî ez çêkirim. Bavê min negotibû, Bismillah. Lewra şeytan di zikê ca min de tev li ruhê min bû û qirra hemû ejderhayên bêguneh hat. Helbet rîwayet dibêje, ne ez.

Çima kêm nivîskar bi saxî ji nava qîlên Asya Dawid difilitin? Qey te li Sahara bi şêr û pilingan re xwendina xwe kuta kiriyî (Destê xwe datînim ser sînga xwe’y dêrayî: Lewra ez bi birîndarî ji nava qîlên te filitîm. Na, belkî jî dilê te bi min şewitî, lewma te ez efû kirim)?

Ez gelek carî dopîngê dixwim ji bo karibim wan bixwînim. Her hal ji ber dopîngê ye. Çimkî carna ez nikarim xwe zeft bikim. Ahhahh (Niha ji kennan dikim velîzim).

Heta niha çend nivîskarên go bi kurdmancî dinivîsînin bi saxî ji nava qîlên hişê te filitî ne  (Hewce nake go tu jimara kuştiyan j’me’r bêjî)?

Kurdmancî mî. Ka tu ji min re bijmêr ahahhaha. Ewkên tu dipirsî jî welleh hîn çap nebûne.

Ez te dişibînim mis’hefeke dîn î manyax. Gelo gava mirêk(eynik) li te dinêre, tu dişibî çi?

Dişibim xwe. Gelek qisûr û qisûrên min hene, ez wan dibînim. Mesela; torbeyên bin çavê min :)

Dengê xeybanî j’min re dibêje, “Asya Dawid ji niha de têbiniyan ji bo mis’hefa xwe’y ceribînê a derbarê Samûel Beckett û Dekonstruktîvîzmê de dicivîne.” Gelo ev rastiyeke çewt e, an çewtiyeke rast e? Heke birra jî tiştekî wilo hebe, tu karî bi sê gotin û nîvan mis’hefa xwe’y ceribînê j’me’r rave bikî? 

Çewtiyeke rast e helbet. Ez û Samûel heval in. Qûna me çewal e û barê me giran e.

Gelo dildarekî te heye? Heke dildarekî te hebe, tu dixwazî çawa be (Ev suwaleke taybet î biaqil bû. Tu ne mecbûr î go bersiveke biaqil bidî)?

Heye. Nîhaye dilê min. Lewra di nava xwe de jê hez dikim niha. Erê erê, ne bi dilê xwe, bi nava xwe. Û li ser mesela go çawa be; bila wek xwe be bes e.

Go tu bixwazî bi hezkirin û eşq dildarê xwe ji xew şiyar bikî, tu yê çi gotinê di guhê wî de bêjî (Ez dibêjim golika min)?

Ez ê tenê temaşe bikim, qe nepeyivimmm.

Dizanim go tu serê xwe pirr bi Samûel Beckett re diêşînî. Çima Hîçparêzek? Qey tu wî dişibînî xwe?

Erê. Belkî jî ez ew bim, ew jî ez. Reenkarnasyon xocam :)

Çêr û sixêfa te ya herî bêhtir tu jê hez dikî…

 Şermot :)

Gava kesek te zêde diqeherîne, tiştên go tu dixwazî bi wî/ê bikî, lê tu nakî, çi ne? (Gunehê min pê tê. [Ken])

Ez napeyivim. Tenê awirekê pê vedidim û dimeşim. Êdî sorin sorina wî/ê ye. (tîq tîqq)

Heger ez vêga bişibim çi/kê tu yê ji min nefret bikî? Û çima?

Eger tu neşibî xwe ez ê bikim. Û bê sedem.

Heger niha Samûel Beckett û H. Kovan Baqî li cem te bûna, te yê çi pirs ji wan bikira?

Min ê bigota hiiiişşşştttttttttttttttttt. Guhdar bikin li melodiya fisên bêdeng. Ya jî na na, ger ez rojekê wan bibînim ez ê qet nepeyivim.

Heger tu qereqterek bî di romanekê de, gelo tu dixwazî di mekanekî fireh de bi hişê nivîskêr ve girêdayî be, yan di mekanekî teng de berradayî?

Helbet di metnek-mekanekî teng de berradayî. Çimkî ez berdidim wî nivîskarî.

Gava tu siyasetmedarekî dibînî, tu dixwazî çi jê’r bêjî?

Ez tiştekî nabêjim. Çimkî ez wan nabînim.

Li gor te hundirê serê biroqratekî/ê ji çi gemarîtir e?

Ji wan metnên ku ji qûna hin nivîskar-nivîstirrên ku xwe diecibînin tê nivîsîn, piçekî paqijtir e.

Ji bo te “Jiyan” an “Edebîyat”…?

Jiyan. (Bisse hebekî bikenim)

Tiştên vê gavê tên hişê te çi ne…

Hîç tiştek tê hişê min. 
 
 

Ji xwendevanên Perxudresê pirsek: Dûriya ji têkiliyên cinsî çi bandorê xwe yên negatîf hene di jiyana ciwanan de?

Heyran ez ne Haydar Dumen im. Lê belê ligel aliyên wê yî pozîtîf gelek bandorên wê yî negatîf jî hene. Di serî de hin aliyên wê yî pozîtîf ev in: Emrê mirov dirêj dike, mirov ciwantir dibe ji bo qelb krîzî baş e, rûyê mirov xweşik dike, mirov muptela dibe, menepozê derengtir dixe û gelek tiştên din :) Aliyên wê yî negatîf jî ev in: Mirov dibettilîne, bincilê mirov gemarî dibe, fatora avê dibe du qat, û helbet zarokên we jî çênabin. Sevişin efendim :)


18 yorum:

  1. Bi ya min ne ewqas bêedeb bû ku gelek însan bi kelecana sohbeteke +18 tikandiye. Min hîç neeciband. Hêvî dikim baştir be.

    YanıtlaSil
    Yanıtlar
    1. Merheba Adsız,

      Spas ji bo rexneya te. Jibo hêvîya te ya baştirbûnê ji kerema xwe pirseke xweşik bipirse, bo dîyaloga li pêş me. Spas.

      Sil
  2. Seksa bi Kurdî çima bi pêş nakeve û însan dema bi hev şa dibin bo çi diqelibînin ser Tirkî? Spas

    YanıtlaSil
    Yanıtlar
    1. Adsız,

      Pirseke orîjînal e, spas, min jî meraq kir..

      Sil
    2. Ji ber ku tama ya bi kurdî nizanin ;)

      Sil
    3. Hahahhahah, te bi xwe pirsî bi xwe bersivand? Bravo :) Yan te pirsî û bi navê Adsız, bersiv hat nivîsandin :) Nizanim.

      Sil
    4. Seks seks e. îcar ya bi Kurdî ji kur derket=)??Gava Kurd bi Kurdî emel bikin her serê kêliyê dê behsa seksê ji bêkirin dê rengê xwe bêje reqq û li wêje mêjeyê jî bide.
      Em behsa "seksa bi kurdî".Em bijîn têr pev şabibin heta bila bi ser bifûre carna wê gavê em ê behs jî bikin elbet emê gotinê li hev bînin û te hew dît bû meseleyek wêjeyî û hêjayî belavkirinê
      Sihet xwes Faruk mala we ava ji bo vê plataforma hanê
      Ez Lîlan Ema me

      Sil
    5. Ser seran Lîlan, seks seks e heyran, ne blog e bêmane :) Spas, li canê te sihhet be.

      Sil
  3. Yê ku pirsî ez im, niza' kê bersiv da. Lê tabî ev nayê maneya ku tenê cewabeke vê sewalê heye.

    YanıtlaSil
    Yanıtlar
    1. Bêguman, emê li benda hin bersivên din bin hîn.

      Sil
  4. Em bi heycan bende bûn , le îro min û hevalek go ' yaw yanî ev bû , bêedebîya vê diyalpga ku derê de bû' min jê hez nekir , tahma nivîsên te neda min , min bi zorê xwend nivîsê heya dawî :/ mixabin.

    YanıtlaSil
    Yanıtlar
    1. Merheba, spas bo rexneya we. Bo dîyalog xweşiktir bibe û heyecanek were we divê çi lê were zêde kirin? Ji kerema xwe du sê pêşnîyazan bo dîyaloga nû binivîsin. Ezê kêfxweş bibim, spas.

      Sil
  5. em li benda Devliken Kelogirî ne. Ji wan bipirsin ka bêedebî û doxînsistî yek e?

    YanıtlaSil
    Yanıtlar
    1. Li gor min bêedebî û doxînsistî ne yek in. Doxîn bi xwe hîn pareke edebê ye, şidandin û sistkirina wê tesîrê li edebê dike loma, lê ji hevdu cuda ne. Ku bû qismet, ezê bi Devliken Kelogirî re jî li ser vê meselê biaxifim. Spas.

      Sil
  6. Ez ê bipirsim; çima mezinên me ewqa guhdarî strana Ciwan a Dil ketime dikin û dema mesele dibe axaftin tev serê xwe binerdê dikin.. Li bende bersivek pir sosyolojîk û pir cinsellikê me :)

    YanıtlaSil
    Yanıtlar
    1. Pirseke xweş, ez jî li benda bersivê me :)

      Sil
  7. Memikperest Baqî kovan e, Min digot qey kes bi qasî min ji memikan hez nake, lê Baqî li ser memikên Zeyno aqil firrandiye. Ka bila jê bipirsin gelo cara ji memikên Zeyno ramûseneke hikaye yan na ?

    YanıtlaSil
    Yanıtlar
    1. Adsız,

      Bibore min ew şiroveya nedîtibû, nû li ber çavên min ket. Em bipirsin ka çi dibêje. Hez û hurmet û lêborîn bo bersiva dereng.

      Sil

Related Posts with Thumbnails