18 Mart 2018 Pazar

Em Bûn Bênamûsên Wextekî

Teşoneşo
çirûskî
''Heya niha ez li welatekî digerim ku min bihewîne'' nivîsîye Nûredîn Zaza.

Disekinim li vê hevokê, çayeke sêvî dixwazim ji gêrson.

Dawîya hefteyê dûrî nûçeyan disekinim, lê xwe ranagirim.

Li Efrînê çekdarên Ereb yên pordirêj û eskerên Tirk yên rûsipî alayên xwe bilind dikin, bi ken.

''Heya niha ez li welatekî digerim ku min bihewîne'' nivîsîye Nûredîn Zaza.

Disekinim li vê hevokê, qurtekê ji çaya sêvî vêdixwim.

Bihar e, xwîn tevzên seksê li bedena meriv radide heçku.


Li Efrînê çekdarên Ereb yên pordirêj û eskerên Tirk yên rûsipî alayên xwe bilind dikin, bi kêf.

Ji Ciwan Haco vedikim Welatperestî guhdar dikim.

Şora keçeke çekberdayî tê bîra min dîsa: ''Madem tu welatperest î here çekan û cengan, bi guhdarkirina Ciwên nabe''

''Heya niha ez li welatekî digerim ku min bihewîne nivîsîye'' Nûredîn Zaza.

Keçeke dişibe keçeke çekberdayî - yeke din e ew - derbaz di ber min re.

Dengê Ciwan Haco ye: ''Çiqas dijwar e ew reng bindestî''

Hez nakim ji Tirkan, hez nakim ji Ereban, ne nijadperest im, neteweperest.

Ken û kêfeke li kafeyekê, bi çayekê, wisa li me heram dikin.

''Heya niha ez li welatekî digerim ku min bihewîne nivîsîye'' Nûredin Zaza.

Min Kurmanc jî nivîsîye di sala 2014'an de: ''li ber şerrê li ber serê me, dûr / em bûn bênamûsên wextekî''

Jineke parfûmgiran rûdine li hember min.

Bi îhtimaleke mezin, bav û dîya min niha li ber Stêrk TV, moralxirab û perîşan.

''Heya niha ez li welatekî digerim ku min bihewîne nivîsîye'' Nûredîn Zaza.

Bes e, ditirsim, kêr giha hestî. Jina parfumgiran cixareyê jî dikşîne, mêrikekî zexm î simbêltapan tê li ber rûdine.

Kerba min jî derbek bûya li herbê, lê na, tim î bindest î stûxwar î şikestî.

De dîsa jî hêvîyên pûç, cenga azadî, nabe rawestî. 

14 yorum:

  1. Di şerefa cîhanê nim, me xweşî nedît.
    Heta bi ostrojen û testesronên xwe jî
    em dixin ber fedîyê.

    YanıtlaSil
    Yanıtlar
    1. Tu rast dibêjî, bes tune ku şerefa cîhanê. Dibêjin Mişo Bekebûr Berazî digotîye, ''Bextê min di her tiştî reş e, di zêbeş de sipî ye''

      Sil
  2. Ez jî bi gotinên xwe, bi gotinên Maurice Chappaz bi dawî kir, kû Gilbert Favre bavê xwe û mîrê Mêvanê xwê hesibandî dest pê bikim.
    "Ez peyvên hez dikim; Forma xwe ya serpêşandanê, hestên muzîka wan û wateyên wan . Ji ber van hemî taybetmendiyên carinan dikarin veşartin û carinan wan digotin. Ez peyvên hez dikim ji ber ku ew bi me re dilsoz in, ew nêzîkî me ne. Ew dizanin ku çawa jiyan û mirinê pîroz dikin. Bi taybetî, hûn dikarin bi mirinê re peyivîn bikin. "

    YanıtlaSil
    Yanıtlar
    1. Min tam fehm nekir tu çi dibêjî, bibore.

      Sil
    2. Gilbert Favre, nasdi kî?

      Sil
    3. Google ji min çêtir nas dike.

      Sil
    4. Ti çira wanî dijwar buy kû, ser û bin û , pirsgirêkek bû. Mekihere kûremin ez jî zanim Google has dike .

      Sil
    5. Min mesele fehm nekir, loma.

      Sil
    6. Gilbert Favre, jin ê Nûredîn Zaza bû.Te qalê Zaza kir hate bîra min, pir xaşî min çû. Gilbert jî, Maurice Chappaz bina bavî xwe didît.Min jî xwest ez gotina Maurice Chappaz parve bikim.

      Sil
    7. Spas heyran, min niha tam fehm kir.

      Sil
    8. Ez ji spas dikim. Û ew yek jî, em dikarin li qur'a ye "Bîranîn" li vir beşdarî bikin. Tû jî rastê xwe bide kû Gilbert, li bo bîranîn e Nûredîn pir û pir girîng e.

      Sil
    9. Na heyran, ji vir nedibû.

      Sil
  3. me ne welatek, ne aramîyek, ne cananek...

    YanıtlaSil
    Yanıtlar
    1. Canan hebe jî ku xêr di cên de nema û bi şûnde..

      Sil

Related Posts with Thumbnails