Benda Psîkolojîk: 100 Dolar

Seba bibînim li dinê berê karên kultûrî li ku ye û çi dibe çi diqewime car caran vedikim ji înternetê The Guardian ya Îngilizan dixwînim.


The Guardian, dema ez wê dixwînim di ber ra di ser ra metneka kin û kûr derdixe pêş min.

Payîz 2025, di metnê da mealen tê gotin ku piranîya medyayê ji Elon Musk bigire heta Mala Murdochan di bin kontrola mîlyarderan da ye û aktorên xerab û xêrnexwaz malumatên şaş bela dikin û zirarê didin demokrasîyê.

Di dewamê da The Guardian dibêje ferqa me ew e ku me pişta xwe sipartiye destekên xwendevanên xwe û em bi palpişta wan karên rind û rast û durist dikin.


Hez dikim ji vê stratejîya The Guardianê, seknekê dide wê, serbestbûnekê didê.

Bo Perxudres Podcastê, bo vê podcasta xususî bo edebîyatê sînerjîyeka siwar çêdike min bang li guhdarên wê kir ku ji Patreonê destekê bidin û dengê wê bilind bikin.

Temûza 2025an bi destekên guhdarên delal 60 dolar ket hesabê Perxudres Podcastê, Agustosa 2025an jî 97 dolar hat.



Zanim ku 100 dolar bendeka psîkolojîk e. Eger wê bendê bişkînim, ezê gaveka din nêzîkî hedefa xwe bibim ku dibêjim, seba ez wekî din ti îşî nekim û tenê karên Perxudres Podcastê bimeşînim gerek ji Patreonê her meh 1000 dolar were bi destekên guhdaran.

Li ser Patreonê bi mehane 1 dolarê destpê dike tarîfeyên destekê. Kesên zêde destteng û haltenik ne têda elbet, vî zemanî bo mehekê 1 dolar zirar-zîyaneka mezin nade budçeya ti kesî, lê gava 1 dolar ji vî yek ji wî, 1 dolar ji vê yek ji wê dikevin ser hevdu, meseleyeka muhteşem çêdibe.

Dema min nû banga The Guardianê ya ser destekên bi 1 dolarî dîtibû, bi min pir ecêb hatibû.

Bes gava ez destekên bi deh hezaran bi sed hezaran kes fikirîbûm, wê çaxê ez serwext bûbûm, min fehm kiribû The Guardian meaşên bi sedan xebatkarên xwe çito dide.


Banga min eyan û eşkere bo hemî guhdarên Perxudres Podcastê ye.

Eger Perxudres Podcast tiştekî li heyata we zêde dike, eger hûn bi hez û heyranîyekê li benda her xeleka nû dimînin, eger hûn dibêjin em di Kurdî da hesreta karên wanî çeleng in, hûn jî dikarin mehane bi 1 dolar pişta Perxudres Podcastê qewîn bikin ku ew serbest bimîne û karên xwe yên bi kalîte nesekinîne û wan hîn jî pêşva bibe.

Em zanin ku ew guhdarên me yên mehane 3, mehane 5, mehane 20 dolaran didin Perxudres Podcastê ji rizqê mala xwe dibirin.

Mala we ava, dengê me li mala we ya guhdarên delal, dengê me ji we, dengê me bi Kurmancî û dengê me bi Zazakî.

Sax bin, berxudar bin, vê gavê bi xatirê we.

Omer Faruk Baran

Di ser Patreonê ra hûn dikarin bo carekê yan jî di otomatîkê da her meh destekên xwe ji Perxudres Podcastê ra bişînin. Dilê we çi wext bixwaze hûn dikarin destekên xwe bisekinînin, betal bikin.

Patreon: Perxudres Podcast

PIRR TÊNE XWENDIN

Doğan Kılıç Wenda û Wenda Roja Newe

Resim
Kurdên Tirkîyê piştî bêdengîya demdirêj a li dû şikestinên Şêx Seîd û Seyîd Riza serê salên 1960î bi parçek serbestî ra nola ku hêdî hêdî hatibin ser hemd û hişên xwe bi kovar û kitaban, bi gazeteyan jinûve hatine xanê.  Wan salên li dû derbeya eskerî bi rêberîya Musa Anter, Deng , bi ya Edip Karahan, Dicle-Fırat û bi ya Doğan Kılıç jî Roja Newe derketiye.  Ser Deng û Musa Anter, ser Dicle-Fırat û Edip Karahan barek belge hene îro di destê me da, lê ser Doğan Kılıç û Roja Newe malumat heta van salên dawî têm kêm diman û hema bêje ti kesî tiştek nizanibû.  Roja Newe ya Doğan Kılıç di tarîxa Tirkîyê da gazeteya pêşî ye ku bi Kurdî û Tirkî derketiye. Wan salên 1960î di gazeteyên din da jî nivîsên bi Kurdî derketine, lê îbareya Roja Newe xusûsî ew e, gazeteya bi Kurdî û Tirkî.  Gazeteya tek hejmarek derketî û nola Doğan Kılıç wenda sala 2019an li  Milli Kütüphane  ya Enqerê bi xebatên Mutlu Can hat dîtin û li dîjîtalê hat barkirin.  Roja Newe ya sala 1...
DEWAMÊ BIXWÎNE >>>

Bi Halên Tercûmekirinê Hewalên Şiîrekê

Resim
Di karên edebî da îşê tewr bi talûke tercûmekirina şiîran e herhal.  Çinku dema tercûmeya şiîrekê ji zimanê wê ya orîjînal çêdibe jiber şiîrbûnê tercûman bixwaze nexwaze mehne dişikê û rê li ber şaşîyên mezin vedibe.  Loma ez kitabên duzimanî yên şiîran tu dibêjî qey ne jibo xwendina şiîran, lê jibo dîtîna wan şaşîyan dixwînim. Hele hele kitaba duzimanî bi Tirkî û Kurmancî be, û zimanê wê yê tercûme Kurmancî be ji min ra mesele ji şiîrê derdikeve, dibe fersendeka ferhengî ku ez pê peyvên xwe kontrol bikim.  Bi van fikran li  Hal  a Sabri Erdem dinêrim çend ro ne. Kitaba wî şairê Berferatî, ku ji salên 1990î vir va li Almanya ye, Yaqob Tilermenî yê bi çîrok û romanên xwe tê naskirin çerxe Kurmancî kiriye. Dixwînim, dixwînim û di şiîreka kitabê da disekinim, dûr û dirêj didim ber hevdu Kurmancî û Tirkîya wê. uçamadı laz uşağı  gotiye Sabri Erdem,  nefiriya laz uşaxî  gotiye Yaqob Tilermenî, ez bûma minê jî bigota  laz uşaxî  dibêm, min jî ...
DEWAMÊ BIXWÎNE >>>

Mektûba Guhdar D. û Rêya Xewê

Resim
Çi gava xewa min nayê radibim makîneya firaqan dişixulînim. Dengê avê, di makîneyê da dengê guherîna cîye avê, carna dengê ketina firaqekê aramîyê didin min. Îşev jî wer dibe, xew nakeve çavên min. Radibim derdora xwe top dikim, dibêjim qene nebe piçek din jî dibetilim. Qedeh, tebax, kase.. Di her odeyekê da tiştek, derim û têm, derim û têm, û makîne tijî dibe. Pêlî qumçeya makîneyê dikim û mêze dikim ku îşareta parlatici yê sor dibe, îşareta ji bo biriqandina firaqan.  Oxxx dibêm ‘‘Îşekî din jî heye heta ku makîneyê bidim şixulandin, ezê piçek din jî biwestim û rehettir razim.’’ Derim ji bo biriqandina firaqan deterjanê tînim, dikim hundirê makîneyê, qapaxê digirim û didim şixulandin. Ji dengê ewil da, ew dengê gava makîne dest pê dike û avê digire, ez sakîn dibim. Derim balîfeka nerm û betanîyeka tenik tinîm, hema li nêzî makîneyê li ser qoltixê xwe dirêj dikim. Dengê avê te, di nav makîneyê de dizivire, û hêdî hêdî çavên min têne girtin; dengê avê tê, makîne avê davêje ser firaq...
DEWAMÊ BIXWÎNE >>>