Mîlyonek Dolar Heyat

The New York Timesê Temûza 2025an ser ekonomî û ensdustrîya podcastan xebereka pir ecêb enteresan weşand. 

Di xeberê da dihat gotin ku heyranên Joe Budden Podcast ji Patreonê her meh, mîlyonek, 1 mîlyon dolar destek didin vê podcastê.


Berê min got qey hişên min dîsa ne li serê min in û ez şaş dixwînim. Lê na, 70,000 destekçîyên Joe Budden Podcastê hinek bi 5 hinek bi 50 dolaran mehane 1 mîlyon dolar didin ser hev ku va podcasta weşana xwe nesekinîne û wê bi moral û motîvasyon, bi qafekî rihet bidomîne. 

A min, Temûza 2025an ji Patreonê bi destekên 5 guhdaran û bi qutbûna heqê transferên bankayan, ma, 60 dolar ket hesabê Perxudres Podcastê. 

Deynê Riversideê hatibû. Riverside platformeka hazirkirina podcastan e; li ser dengê xwe qeyd dikî, pak dikî, montajê filan dikî, salê bi 180 dolarî. Ez jî li ser Riversideê qeydên Perxudres Podcastê hazir dikim. Min anî ew 120 dolar xist ser 60 dolarên guhdaran û deynê Riversideê da. Mala wan guhdaran destekçî ava, dibêjim, bi xêra wan qene deynê Riversidê li ser min sivik bû parîyekî. 

Ez bi salan e dûrî xewn û xeyalan li vê heyatê me. Bes bo Perxudres Podcastê, bo vê podcasta bi hezaran guhdarên wê hene û bo kultûr, sanat û edebîyata bi Kurdî sînerjîyekê çêdike, bi min wer tê ku lazim e ez xeyalxaneyekê ava bikim. 

1 mîlyon dolar, 100,000 dolar, 10,000 dolar ultra-utopîk in bo xeyalxaneya Perxudres Podcastê.


Ji halê xwe razî û mutewazî, bo karên Perxudres Podcastê li xeyalan dixim ku li tebîeteka li dora Dêrsimê maleka min a bi hewş û heyat, bi gul û çîçek hebe, bo karên Perxudres Podcastê li xeyalan dixim ku mehane dûz-temîz 1000 dolar bi dest min keve ji Patreonê, bo karên Perxudres Podcastê li xeyalan dixim ku li maseyeka li sîya kitabxaneyekê bi kitabên xatirayên dagirtî rûnim, hew e, hew e xelas. 

De dîsa şikur, hezar carî şikur. Tema li hêla Riha gotinek e, dibêjin, min digo qey ezê firoya fir kim min nizanibû ezê kezîya kur kim. Çi ye mehne, mehne yanî, yekî çûye pez anîye û gotiye pezê min wê bizê û ezê dew vexwim, lê pez miriye û deyn jî di stû da maye, rabûye kezî kur kiriye, rewş ji berê xerabtir bûye welhasil. 

Bi guhdarên sadiq û samîmî yên Perxudres Podcastê ra emê li ber xwe bidin, ma ne em çê zanin, heta kefa dest reş nebe tehma dev xweş nabe.

Omer Faruk Baran

PIRR TÊNE XWENDIN

Doğan Kılıç Wenda û Wenda Roja Newe

Resim
Kurdên Tirkîyê piştî bêdengîya demdirêj a li dû şikestinên Şêx Seîd û Seyîd Riza serê salên 1960î bi parçek serbestî ra nola ku hêdî hêdî hatibin ser hemd û hişên xwe bi kovar û kitaban, bi gazeteyan jinûve hatine xanê.  Wan salên li dû derbeya eskerî bi rêberîya Musa Anter, Deng , bi ya Edip Karahan, Dicle-Fırat û bi ya Doğan Kılıç jî Roja Newe derketiye.  Ser Deng û Musa Anter, ser Dicle-Fırat û Edip Karahan barek belge hene îro di destê me da, lê ser Doğan Kılıç û Roja Newe malumat heta van salên dawî têm kêm diman û hema bêje ti kesî tiştek nizanibû.  Roja Newe ya Doğan Kılıç di tarîxa Tirkîyê da gazeteya pêşî ye ku bi Kurdî û Tirkî derketiye. Wan salên 1960î di gazeteyên din da jî nivîsên bi Kurdî derketine, lê îbareya Roja Newe xusûsî ew e, gazeteya bi Kurdî û Tirkî.  Gazeteya tek hejmarek derketî û nola Doğan Kılıç wenda sala 2019an li  Milli Kütüphane  ya Enqerê bi xebatên Mutlu Can hat dîtin û li dîjîtalê hat barkirin.  Roja Newe ya sala 1...
DEWAMÊ BIXWÎNE >>>

Bi Halên Tercûmekirinê Hewalên Şiîrekê

Resim
Di karên edebî da îşê tewr bi talûke tercûmekirina şiîran e herhal.  Çinku dema tercûmeya şiîrekê ji zimanê wê ya orîjînal çêdibe jiber şiîrbûnê tercûman bixwaze nexwaze mehne dişikê û rê li ber şaşîyên mezin vedibe.  Loma ez kitabên duzimanî yên şiîran tu dibêjî qey ne jibo xwendina şiîran, lê jibo dîtîna wan şaşîyan dixwînim. Hele hele kitaba duzimanî bi Tirkî û Kurmancî be, û zimanê wê yê tercûme Kurmancî be ji min ra mesele ji şiîrê derdikeve, dibe fersendeka ferhengî ku ez pê peyvên xwe kontrol bikim.  Bi van fikran li  Hal  a Sabri Erdem dinêrim çend ro ne. Kitaba wî şairê Berferatî, ku ji salên 1990î vir va li Almanya ye, Yaqob Tilermenî yê bi çîrok û romanên xwe tê naskirin çerxe Kurmancî kiriye. Dixwînim, dixwînim û di şiîreka kitabê da disekinim, dûr û dirêj didim ber hevdu Kurmancî û Tirkîya wê. uçamadı laz uşağı  gotiye Sabri Erdem,  nefiriya laz uşaxî  gotiye Yaqob Tilermenî, ez bûma minê jî bigota  laz uşaxî  dibêm, min jî ...
DEWAMÊ BIXWÎNE >>>

Mektûba Guhdar D. û Rêya Xewê

Resim
Çi gava xewa min nayê radibim makîneya firaqan dişixulînim. Dengê avê, di makîneyê da dengê guherîna cîye avê, carna dengê ketina firaqekê aramîyê didin min. Îşev jî wer dibe, xew nakeve çavên min. Radibim derdora xwe top dikim, dibêjim qene nebe piçek din jî dibetilim. Qedeh, tebax, kase.. Di her odeyekê da tiştek, derim û têm, derim û têm, û makîne tijî dibe. Pêlî qumçeya makîneyê dikim û mêze dikim ku îşareta parlatici yê sor dibe, îşareta ji bo biriqandina firaqan.  Oxxx dibêm ‘‘Îşekî din jî heye heta ku makîneyê bidim şixulandin, ezê piçek din jî biwestim û rehettir razim.’’ Derim ji bo biriqandina firaqan deterjanê tînim, dikim hundirê makîneyê, qapaxê digirim û didim şixulandin. Ji dengê ewil da, ew dengê gava makîne dest pê dike û avê digire, ez sakîn dibim. Derim balîfeka nerm û betanîyeka tenik tinîm, hema li nêzî makîneyê li ser qoltixê xwe dirêj dikim. Dengê avê te, di nav makîneyê de dizivire, û hêdî hêdî çavên min têne girtin; dengê avê tê, makîne avê davêje ser firaq...
DEWAMÊ BIXWÎNE >>>