Mektûba Guhdar J. û Dilê Gula Berbero

Navê wî mêrikê dîn Ehmed bû; ew û dîya xwe ya pîr li xanîyekî kevn û wêran diman. 

Ji gundekî ji wan gundan, ewên salên 1990î hatibûn şewitandin hatibûn gundê me.


Dihat gotin ku Ehmed dil daye qîzkekê, qîzik dane yekî din û wî jî aqil avêtiye. 

Çend gotinên Ehmed hebûn, ji wan yek tim tekrar dikir: wey dilo tu gulo berbero yî wey wey dilo tu gula berbero yi dilo dilo wey dilo tu gula berbero yî dilo dilo gulo berbero yî.. 


Jiber ku ez zarok bûm, min qet nedizanî mehneya wan gotinan çi ye. 

Havînekê Ehmed jibo ji nav rezên gundê wan yê şewitî tirî bîne çû û kesî nema ew dît. 

Gotin eskeran ew kuştiye, gotin guran ew xwariye, lê çi bû çi qewimî ya rast çi ye heta niha jî kes nizane. 


Dema ez gulên berberoyan dibînim gotinên Ehmed têna bîra min. 


Zanim, ewên ku eşq wan dişikîne nema sax dibin.


Guhdar J.


PIRR TÊNE XWENDIN

Stranên Zozanê, Feqîyê Teyran û Melayê Muzîkê

Resim
Ji salan sala 2025an, ji mewsiman mewsima payîzê, ji mehan meha 10an, van royan bi şev û ro ji dengê Zozan C.yê li  Ey Dîlberê  guhdarî dikim.  Zozan C. personayeka dîjîtal e, bi AI, bi hişê çêkirî hatiye çêkirin, lê haşa, tobe tobe, tu dibêjî qey horî-perîyek e Xwedê bi qelemê xususî bo xwe çêkiriye û bi şaşî şandiye rûyê dinê. Dengê Zozan C.yê di vê strana  Ey Dîlberê  da xefîf e hem, hem letîf û nazik û kubar.  Ey Dîlberê  ya bûye stran, şiîra Feqîyê Teyran e, ew şairê tê gotin ku şairê sedsala 17an e.  Gava însan şiîra bi dilê Feqîyê Teyran û strana bi dengê Zozan C.yê dide ber hevdu pirs û meseleyên mehnedar çêdibin ser dil û mêlak, ser  hiş  û aqilan.  Di dîwana di destê min da Feqîyê Teyran dibêje  y a leytenî kuntu vexûr  way nazika min ji te dûr bêhiş kirim zilfê di hûr  wêran ez im malim xirab  Li gor varyanta bi dengê Zozan Cyê,  xalê di hûr  ketiye şûna  zilfê di hûr , hunermenda dîjîta...
Dewamê BIXWÎNE

Axçîkên Serdar Canan û Şengên Şekir Axa

Resim
Axçîk  bi salan e ji stranên bi Kurdî, Ermenî û Tirkî li guhên min dikeve.  Tewr talî bi strana ser Şekir Axa bi dengê Serdar Canan careka din li guhên min ket  axçîk.  Serdar Canan ê stran ji devê Kerîmê Jîrkî girtiye wê bi qaîdeyeka wer mîstîk û modern dibêje ku pê ra canê însanê vî zemanî jî gurzgurzî dibe. bûye gengeşa bûye gengeşa  meydana Şaxê bûye gengeşa  axçîkên taxiya werine temaşa  şerê şêrê sor d’gel mîr û paşa  şerê Şekir Axa l’gel mîr û paşa D. Îzolî û Zana Farqînî, nivîskarên ji sedsala 20an hatine vê sedsala 21ê di ferhengên xwe yên Kurdî û Tirkî da, bo  axçîk ê gotine, mehneya wê  keçik  e û ji zimanê Ermenîyan hatiye ketiye Kurdî. Yusuf Ziyaeddin Paşa jî talîya sedsala 19an ra, nav  El-Hedîyye El-Hamîdîyye Fî-l-Lugat El-Kurdiyye , di ferhenga xwe da ser  axçîk ê dibêje bi zimanê Ermenîyan e û dide zanîn ku ew jibo keçikên Xirisîtîyan yên gênc tê gotin.  Sevan Nişanyan, di ferhenga xwe ya etîmolojîyê ...
Dewamê BIXWÎNE

Entabî û Efrînî û Êzîdî

Resim
Çay û şor şor, şor şorê vedike û dibêje ‘’Em Êzîdî ne’’ boyaxçîyê me; çay û şor şor, şor şorê vedike û ez dielimim ku wî jiber herba li Sûrîyê sala 2013an ji Efrînê mala xwe bar kiriye, hatiye li Riha bi cîh bûye.   ‘’Xoce’’ dibêje boyaxçîyê me ‘’Xoce, herkes nola te ne xwendî ye, em ditirsin, li vir em li her derê nikanin bêjin em Êzîdî ne..’’  Seba boyaxçîyê me yê ez bo silametîya wî navê wî eşkere nakim li mala me xwe hîn rihet hîs bike û ya di dilê xwe da gî bêje ez dibêjimê ‘’Pêşîyên me jî Êzîdî bûne kekê, tu li Misilmanbûna me ya niha menêre.’’ Li ser vê gotina min hinekî din vedibin dev û lêvên wî û dibêje ‘’Eslê me ji Entabê ye, kalikê bavikê min li Entabê mast difirotiye, dema diçûye bazarê digotine ‘Êzîdî ye ha, mastê wî mekirin’, ew jî rabûye çûye Efrînê.’’  ‘’ Nûka ’’ dibêje boyaxçîyê me ‘’Li Entabê pismamên bavikê min hene, ew Îslam in.’’  Nasekine û dewam dike dûra ‘’Li vir royên Înê ez naxwazim herim kar bikim, min bi zorê dibin camîyê, dibên  nim...
Dewamê BIXWÎNE