Mektûba Guhdar Keskekesk û Cewabeka Kitabkitabî

Ez du sê roj in ji ber ku nefesa min rehet dernakeve diçim meşê. Hîn ez li malê me, derneketime, bi xwe ra dibêm ‘’ka qulaxlixa min ka!’’ 

Naxwazim bîr bikim qulaxlixa xwe, naxwazim guhên min ji dengê Perxudres Podcastê mehrûm bimînin.

Dema ez Perxudres Podcastê vedikim, nola ku bi sohbetê nefesa min hêdî hêdî derdikeve û nola ku ez li gund mîna entelektuelan digerim.

Sankî şeveka biharê ye û bayekî honik tê; sankî me pala xwe daye balgîyan û hevalên şorxweş meseleyên ji hev xweştir dibêjin. 

Her tişt li hev hatiye û kêfa min li şûnê ye, ez qet ferq nakim ku min 6000 gav avêtine tew. 


Ez ji nişka va dibînim ku gihîştime hedefa xwe; lê min hîn tenê çend xelekên Perxudres Podcastê qedandine. 

Welhasil, bi hevalîya Perxudres Podcastê meş pir xweş dibe. 

Ez ketime Gmaila xwe ku vê mektûba kin bişînim. Mîn dî cîhê hesabê min tije bûye û ez nikanime mektûbê bi rê kim.

Gmail dibê ‘’Ya tuyê hinek pere bidî min ya jî ez îznê nadim te ku tu vê mektûbê bişînî’’, min çi kir nekir, nebû. 

Talîyê, ez ji bo salê bi 500 lîraî bûm abone ku ez vê mektûbê bişînim. Mektûbek hat bi 500 lîrayî li ser min rûnişt. 

Guhdar Keskekesk


***

Guhdar Keskekesk,

Bi mektûba te him şa bûm him jî li ber te ketim welle. Di vê desttengîyê da, di vê ekonomî û enflasyonê da te çi kir te çi vexwar, te rabû 500 lîra da Gmailê? 

Gerçî ne sûcê te ye ku. Ar û agirê gur bi mala Gmailê keve, çito qêmîşe te bû, seba mektûbeka wanî şorşêrîn ji te 500 lîra xwest? Qey qe xatirek jî tunebû ma.. 

Te carê pere daye, heq e tu bi ro û şev mektûban bişînî, Gmailê biwestînî û heyfa xwe hilînî. Ez nizam kar e ji te ra ez nizam zirar..

Tu him bimeşî li Perxudres Podcastê guhdarî bikî, him methe vê podcastê bidî bi mektûbekê û him jî zirar zîyan bigihîne hêla te. 

Ka ez çi bikim? Ez ne awûqat im dehw û dozan li Gmailê vekim, ez ne zengînekî pere-pê ra-pir im bêjim heyran te 500 lîra daye madem, bişîne hesabê xwe ji min ra ez ji te ra 5000 lîra bişînim. 

Çi bikim, ka ez çi bikim? Ancax tu adresa xwe ji min ra bêjî ku ez ji te ra ji kitabxaneya Perxudres Podcastê çend kitaban bişînim û tu jî pê teselî bibî; doza me, zewq û zengînîya me xwendin e heyran. 

Spasîya te dikim seba vê mektûba hem mecazî hem jî rastî pir biha, silav û hurmetên çîşkî çîşkî dikenin niha. 

Omer Faruk Baran

PIRR TÊNE XWENDIN

Doğan Kılıç Wenda û Wenda Roja Newe

Resim
Kurdên Tirkîyê piştî bêdengîya demdirêj a li dû şikestinên Şêx Seîd û Seyîd Riza serê salên 1960î bi parçek serbestî ra nola ku hêdî hêdî hatibin ser hemd û hişên xwe bi kovar û kitaban, bi gazeteyan jinûve hatine xanê.  Wan salên li dû derbeya eskerî bi rêberîya Musa Anter, Deng , bi ya Edip Karahan, Dicle-Fırat û bi ya Doğan Kılıç jî Roja Newe derketiye.  Ser Deng û Musa Anter, ser Dicle-Fırat û Edip Karahan barek belge hene îro di destê me da, lê ser Doğan Kılıç û Roja Newe malumat heta van salên dawî têm kêm diman û hema bêje ti kesî tiştek nizanibû.  Roja Newe ya Doğan Kılıç di tarîxa Tirkîyê da gazeteya pêşî ye ku bi Kurdî û Tirkî derketiye. Wan salên 1960î di gazeteyên din da jî nivîsên bi Kurdî derketine, lê îbareya Roja Newe xusûsî ew e, gazeteya bi Kurdî û Tirkî.  Gazeteya tek hejmarek derketî û nola Doğan Kılıç wenda sala 2019an li  Milli Kütüphane  ya Enqerê bi xebatên Mutlu Can hat dîtin û li dîjîtalê hat barkirin.  Roja Newe ya sala 1...
DEWAMÊ BIXWÎNE >>>

Bi Halên Tercûmekirinê Hewalên Şiîrekê

Resim
Di karên edebî da îşê tewr bi talûke tercûmekirina şiîran e herhal.  Çinku dema tercûmeya şiîrekê ji zimanê wê ya orîjînal çêdibe jiber şiîrbûnê tercûman bixwaze nexwaze mehne dişikê û rê li ber şaşîyên mezin vedibe.  Loma ez kitabên duzimanî yên şiîran tu dibêjî qey ne jibo xwendina şiîran, lê jibo dîtîna wan şaşîyan dixwînim. Hele hele kitaba duzimanî bi Tirkî û Kurmancî be, û zimanê wê yê tercûme Kurmancî be ji min ra mesele ji şiîrê derdikeve, dibe fersendeka ferhengî ku ez pê peyvên xwe kontrol bikim.  Bi van fikran li  Hal  a Sabri Erdem dinêrim çend ro ne. Kitaba wî şairê Berferatî, ku ji salên 1990î vir va li Almanya ye, Yaqob Tilermenî yê bi çîrok û romanên xwe tê naskirin çerxe Kurmancî kiriye. Dixwînim, dixwînim û di şiîreka kitabê da disekinim, dûr û dirêj didim ber hevdu Kurmancî û Tirkîya wê. uçamadı laz uşağı  gotiye Sabri Erdem,  nefiriya laz uşaxî  gotiye Yaqob Tilermenî, ez bûma minê jî bigota  laz uşaxî  dibêm, min jî ...
DEWAMÊ BIXWÎNE >>>

Mektûba Guhdar D. û Rêya Xewê

Resim
Çi gava xewa min nayê radibim makîneya firaqan dişixulînim. Dengê avê, di makîneyê da dengê guherîna cîye avê, carna dengê ketina firaqekê aramîyê didin min. Îşev jî wer dibe, xew nakeve çavên min. Radibim derdora xwe top dikim, dibêjim qene nebe piçek din jî dibetilim. Qedeh, tebax, kase.. Di her odeyekê da tiştek, derim û têm, derim û têm, û makîne tijî dibe. Pêlî qumçeya makîneyê dikim û mêze dikim ku îşareta parlatici yê sor dibe, îşareta ji bo biriqandina firaqan.  Oxxx dibêm ‘‘Îşekî din jî heye heta ku makîneyê bidim şixulandin, ezê piçek din jî biwestim û rehettir razim.’’ Derim ji bo biriqandina firaqan deterjanê tînim, dikim hundirê makîneyê, qapaxê digirim û didim şixulandin. Ji dengê ewil da, ew dengê gava makîne dest pê dike û avê digire, ez sakîn dibim. Derim balîfeka nerm û betanîyeka tenik tinîm, hema li nêzî makîneyê li ser qoltixê xwe dirêj dikim. Dengê avê te, di nav makîneyê de dizivire, û hêdî hêdî çavên min têne girtin; dengê avê tê, makîne avê davêje ser firaq...
DEWAMÊ BIXWÎNE >>>