Bi Nuri Dersimi û Îmad Kakilo Sed Salan Alman

Doktor Nuri Dersimi di xatirayên xwe da bi fikrên miletperwer û bi qelemeka huzinliser behsa Cenga Cîhanê ya 1ê dike. 

Di xatirayên xwe da Doktor Nuri Dersimi dibêje bi emir û fermanên şaş yên Enver Paşa û Talat Paşa sala 1915an li hêla Erziromê bi sed hezaran Kurd bi ba û bagerên berfê canên xwe ji dest dan.

Tîfo ketibû ordîyê, dibêje Doktor Nuri Dersimi, eskerên ku ji herbê direvîyan nexweşî bi xwe ra dibirin gundên xwe jî û her ro du ro li rê û dirban bi sedan Kurd dimirin.


Di wan salan da Kurdên di bin hikmê Osmanliyan da bi Tirkan ra tevî tifaqa Almanan li hember Rûsan şer dikin li hêla Erziromê, lê bi trajedîyeka mezin, bi derb li ser derban dişikên. 

Doktor Nuri Dersimi dibêje keçikên macir û jinên bî mane bi şîn û girî li eleyhê Almanan kilam digotin û ji wan kilaman yekê di xatirayên xwe yên bi Tirkî da bi Kurmancî rêz dike: 

te çima me ra qanûnek dananî
ar di mala te keve Alamanî
te paşiya mêran me ra anî
mala te bişewite Alamanî
te kokê mêran me ra anî 

Sed salan li dû vê kilamê Îmad Kakilo ser Kurdên berê xwe didin Almanya û xwe zû bîr dikin, bi meqama govendê straneka bi top û tîr, bi gotinên giran çêkiriye. 

Di stranê da Îmad Kakilo, ser Kurdoyê bûye Almanî dibêje, birakê te hat kuştin, bavê te hat girtin, dayka te ma bi tenê, birçî maye li çolayê, her manî manî, Kurdo bûye Almanî. 

Dîsa di stranê da Îmad Kakilo bi miletperwerîyê dibêje xelkê li ser pişta me al û hêvîyên xwe hildan, ey eman û sed eman çi derdekî bê derman. 

Strana Îmad Kakilo talîya 2010an ra pir populer bû û li def û dawetan hat gotin, lê ku kê li Tirkîyê stran got jiber gotinên di stranê da ew tim kêm, tim nîvçe got. Tam û temam bêje çi fayde gerçî, li dera han serê sedsala 20an, li vir serê sedsala 21ê, tarîxê kir, bir, anî, çi bi kilamên şînê çi stranên govendê, Kurdo dîsa ma li nezanî.

Omer Faruk Baran 

Hatıratım - Dersim ve Kürt Milli Mücadelesine Dair - Vet. Dr. M. Nuri Dersimi, Öz - Ge Yayınları, 1992

Kurdo Bûye Almanî - Îmad Kakilo, YouTube, 2013


PIRR TÊNE XWENDIN

Mockingbirda Harper Lee û Çivîkên Ekrem Koçbaşı

Resim
  Va xeleka bi destekên Can Tercüme hatiye hazirkirin. Can Tercüme ya merkeza wê li Riha ye, bi kadroyeka oste, bi tecrûbeyên salan, bi erêkirina noter, sondxwarî tercûmeyan dike. Jibo ewraqên resmî û jibo karên din yên tercûmeyê Can Tercüme bi hemî zimanên cîhanê di xizmeta we da ye. Whatsapp:+90 544 762 95 77 To Kill A Mockingbird  ya Harper Lee, ku romaneka li her hêla dinê meşhûr e, bihara 2025an bi tercûmeya Ekrem Koçbaşı bi Kurmancî derket.  Him jiber ku Ekrem Koçbaşı ji hiqûqê hevalê min î universîteyê bû û him jî jiber ku min  To Kill A Mockingbird  ne bi orîjînala wê ya bi Îngilizî ne jî bi Tirkî ya wê ya nav  Bülbülü Öldürmek , nexwendibû, min bi meraqeka mezin Kurmancîya wê ya nav  Kuştina Çivîkan  xwend.  Hinek teorîsyenên tercûmeyan dibêjin lazim e metin xwe bide hîs kirin ku ew ji zimanekî din hatiye, hinek jî dibêjin qetîyen na, gerek bi teknîkên wek transpozîsyon û tew belkî bi adaptasyonê xwendevan bi metnê nehise ku ew tercû...
DEWAMÊ BIXWÎNE >>>

Mektûba Guhdar D. û Piçek Payîz

Resim
Serê sibe saet di 07:04 an da alarm lêdikeve. Ez û qîza xwe şîyar dibin. Rutîna min ji bo kar, a wê ji bo mektebê destpê dike. Îro ji bo rojeka enerjîk ji Shahram Nazeri - Shirin Shirin vedikim ji telefona xwe. Em diranên xwe firçe dikin, cilên xwe li xwe dikin û derbazî mutfaxê dibin. Çenteyê qîza xwe hazir dikim, ne defter û kitab, kîjan fêkî, kîjan biskuvît, kîjan avdank.. Di dilê xwe da dibêjim ‘‘Xwedêyo kînga wê teşqeleyên min biqedin?!’’ Em derdikevin hêdî hêdî ji malê, kilîda malê û a erebê kontrol dikim, qîza min dipirse ji min, ‘‘Ezê kîjan solê pê bikim?’’ Kilîdê car din kontrol dikim û solên wê dikim nigên wê û solên xwe pê dikim û qîza min dibêje: ‘‘Mamîîîî, min avdanka xwe bîrva kir.’’ Kesereka kûûûûrrr dikişînim, solên xwe derdixim, dikevim hundir û avdankê digirim. Car din solên xwe pê dikim, derî kilîd dikim û em li erebê siwar dibin. Saeta  Silav û Gulav ê ye di Veng Radyo da. Digihîjin ber mektebê em, qîza min dibêje ‘’Çentê min giran e Mamîîî, bi min ra were’’ Ere...
DEWAMÊ BIXWÎNE >>>

''Xelkên Kobanîyê Çar Ziman Zanibûn''

Resim
Şair û nivîskarê sedsala 20an Osman Sebrî di xatirayên xwe da ser Kobanîya serê sedsala 21ê li dinê alemê hat nas kirin dibêje  Kanîya Ereban.  Osman Sebrî yê ku demeka dirêj li Kobanîyê bi begên Berazîyan ra maye bi Kanîya Ereban navê wir î wê dewrê li ser zimanan nivîsîye.  Li gor tarîxçîyên Kobanîyê koçerên Ereb havînan pezê xwe ji çola hêla Reqayê seba çêrandinê ber bi bakur va dibirine, diçûne ser vê kanîya bajarê îro û loma jî nav bûye Kanîya Ereban.  Çekdarên DAIŞê sala 2014an gava ketin Kobanîyê gotin navê vir êdî  Kanîya Îslamê  ye, bi Tirkî  İslampınar,  bi Erebî  Eynel Îslam .  Ew çekdarên DAIŞê bi tevkarîya şervanên YPG, YPJ û koalîsyona bi rêberîya Amerîka sala 2015an ji bajêr hatin derxistin û navê Kobanîyê deng da.  Wer ewqas deng da ku navê Kobanîyê, êdî şûna Sûrîyê jibo kesên navê wî welatî berê ti carî nebihîstibûn li gor cîhê Kobanîyê dihat tarîfkirin. Şahîn Bekir Soreklî di nivîseka xwe ya sala 2011an da avabûna ...
DEWAMÊ BIXWÎNE >>>