Mektûba Mamoste Hudaî û Zar û Ziwanê Zara
Ez û Bro çend serîyo seba dersê ziwanê Kurdî rayan de yê. Nê, Bro, însan nîyo, o nameyê erebê mi no: Spî, Clio 8 sere de 162,000 kîlometre kerdo.
Rayan de her roj fekê mi de dua zêde beno. Ez dua û sîyaset musena, se?Mîsale, 2024 Temûze de ez kewta raya Sêwasê. Na wîlayet de, Qenqal, Xafik, Îmranli û Zara heme Kurmanc û Zaza yê. Zafeyê înan zî Elewî yê, û tayê Sunî Kurd zî estê.
Ez wazena qezaya Zara ser çend qalan vacî. Mi uca de milli eğitim müdürü zîyaret kerd, milli eğtim müdürü, yanî mesûl û midûrê mektebanê qezaya Zara.
Odeya midûr ze ocaxên Tirkê milîyetçî hadre bibî. Koşe de heykelê Asena bî, vergê înan, sembola ulkucîyan. Peyê meqam de zî heme beyraqê Tirkan aliqnayê bî.
Midûr meqama xo ra uşt ra amê, lewê mi de nuşt ro. Meqam ra rawiştîş zehmet o seba burokratan, meqam îqtîdar o. E ke uşt ra ame lewê to de nîşt ro, manaya ney hûrmetkerdene yo.
Sade soda û qehwe mi waşt û mi dest bi qala sebebê zîyareta xo kerd. ‘’Çewlig ra seba ziwanê Kurdî’’ ke mi fek ra vecîya, midûr va ‘’Mi rê Kurdî-Murdî behs meke, seba mi yew ziwan esto, yew dewlet esto.’’
Mi zî tesdîq kerd, mi va ‘’Midûrê mi seba mi zî wîna yo, la projeksîyona dewleta bîna 100 seran esto.’’ Tekrar qalê mi birna midûr, va ‘’Ti Çewlîg ra ya?’’ Mi va ‘’Eya’’, va ‘’Sera 1979 de uca de serokê beledîya MHPê ame kiştiş, serokê Milliyetçi Hareket Partisi.’’ ‘’Eya’’ mi va, ‘’Ez nika beşa Zazakî de bi eqrabaya ey serokî ser dersên ziwanê Kurdî gurîyena.’’
Va ‘‘To sare mi kerd temîyan.’’ Telefonê midûrekî bînî kerd. Yew Zazayo Elewî bi nameyê Huseyn ame. Midûr seba mi va ''Mamoste Çewlîg ra kewto raye seba dersê ziwanê Kurdî amo Sêwas.''
Mi mesele îzah kerd, ma îstişare kerd. Îstîşare emser zî, 2025 Temûze û Tebaxe dewam keno seba dersên ziwanê Kurdî, seba wîlayatê Sêwas, malesef, hîna yew kadroyê melimê Kurdî nêbîyê akerdiş.
La dersê Kurdî melhem o. Firsetê îstîşare û dîplomasî dano ma. Sebr û Ezîm Ellah.
Mamoste Hudaî
