Eylûl 2025: 101 Dolar

Eylûla 2025an bi destekên guhdarên delal 101 dolar hat ket hesabê Perxudres Podcastê.

Piştî dewlet û bankayan bac û xeracên xwe birîn ma 101 dolar ku bo min 100 dolar bendeka psîkolojîk bû. 

Ez dibêjim li gor îstatîstîkan bi hezaran guhdarên Perxudres Podcastê hene û jibo karên vê podcastê nesekinin dewam bikin gerek ji Patreonê bi destekên guhdaran her meh 1000 dolar bikeve hesabê wê.

Spasîya guhdarên me yên ji Nisêbînê, ji Diyarbekir, ji Adiyaman, ji Agirî, ji Erzirom, ji Sirûcê dikim - hinek min nikanibû tesbît bikirana - bi 1 dolar, bi 3, bi 5, bi 10 û bi 20 dolaran jibo domdarîya Perxudres Podcastê 101 dolar dane ser hevdu. 

Nola her tim banga min eyan û eşkere bo hemî guhdarên Perxudres Podcastê ye. Eger hûn ji Perxudres Podcastê hez dikin, eger hûn dibînin ku ew tiştekî li heyata we zêde dike, eger hûn bi heyecan li benda her xeleka nû dimînin hûn jî dikarin dikarin ji Patreonê destekê bidin, mehane çi bi 1 çi bi 20 dolar. 

Wê dema hanê guhdareka şixul di dest da ji min ra got ku xeyala wê ya zengînbûnê tek bo Perxudres Podcastê ye, di xeyalan da ew dikê zengîn bibe û dikê destekê bide vê podcastê. 

Zanim ku wê guhdara Perxudres Podcastê bi safîya dilê xwe, bi nîyeta pak xeyala xwe ji min ra got, lê zengînbûn bi xwe ra rewşeka din çêdike. 

Hem a me ne meseleya feqîrbûn û zengînbûnê ye, meseleya kultûrê ye. Bo mehekê 1 dolar, ne heqê qehweyekê ye jî, budçeya ti kesî nêşîne-naşewitîne, lê fikra dayîna wê bo podcasteka bi Kurdî giran tê bi însanên me. 

Bi dehan hevalên min hene ku dikarin tehn û tinazên xwe bi 101 dolarî bikin û bêjin ‘’Perxudres Podcast karên baş dike, çima destek ewqas hindik e’’, lê dîsa ew bi dehan heval in ku nizanin 1 dolarî li wî 101 dolarî zêde bikin. Ne ji xizanîyê ji nezanîyê ku bi min nezanî ji xizanîyê pir û pir xerabtir e. 

Hinek dildar û destekçîyên Perxudres Podcastê dibêjin ‘’Tu çima lînka destekê, lînka Patreonê ji însanan ra naşînî?’’ Ez naşînim, her çiqas ez tiştekî eyb û şaş nakim jî ez fedî dikim; lînka Patreonê li dera han, gava ez lînkên xelekên nû yên Perxudres Podcastê dişînim jî ez fedî dikim.

Fedî, me çi me çi nedî, spasîya wan guhdaran dikim ku di vê rêka dirêj da çi madî çi manewî hem bi Kurmancî û hem bi Zazakî bi Perxudres Podcastê ra ne. Perxudres Podcast bi destekên wan deng li dinê dimîne. Pir spas, pir spas û pir silav û pir hurmet.

Omer Faruk Baran

PIRR TÊNE XWENDIN

Zimanê TRT Kurdî, Stêrk û Rûdawê - Planeka Makro

Resim
Çendek e li Riha me û bi dîya xwe ya bê telefon lê bi televîzyon ra xeber, dengûbehs û nûçeyên TRT Kurdî, Stêrk û Rûdawê sêr dikim. TRT Kurdî, Stêrk û Rûdaw.. Sê kanalên sekn û sîyaseten dûrî hevûdin û heta bêje heta radeyekê ji hevûdin nefret dikin. Ew nefret, nefreteka wer zêde ye ku sal 2025, li hinek malan vekirina kanaleka din ji van kanalan îşaretaka îxanetê tê hesibandin. Mal hene mesela, TRT Kurdîyê sêr dikin û Stêrk di lîsteya kanalên wan da tuneye, yan mal hene şor wer tê Stêrkê sêr dikin, lê Rûdaw qetîyen nakeve lîsteya wan. A min, ji hedîse û hewadîsan, ji perspektîf û propagandayan pirtir meraqa min li ser zimên e; loma kanim TRT Kurdî, loma kanim Stêrk û loma kanim Rûdawê bê kompleks bê erêna sêr bikim û ekranên wan ji dîya xwe ya bi tek ziman ra, tenê Kurmancî zane, dîrekt tercûme bikim. Dibînim ku a Rûdawê rengên Soranîyê li Kurmancîya wê ketine, a Stêrkê sewtên sekuler û îdeolojîk hene di Kurmancîya wê da û TRT Kurdî ji bo kes nebêje ‘’Va çito Kurmancî ye!’’ car caran ...
DEWAMÊ BIXWÎNE >>>

Bi Pêşgotina Abdullah İncekan Hinekî Din Rainer Maria Rilke

Resim
Navê Rainer Maria Rilke min cara pêşî serê salên 2000î di nêv şiîrên İbrahim Halil Baran da dî. İbrahim Halil Baran şiîreka xwe ya li dora ar û eynik û bê bi êvarên elif û bê îthafî wî kiribû.  Wexta min navê Rainer Maria Rilke di wê şiîrê da nû dîbû nola gelek kesên navê wî nû dibînin min jî di serî da gotibû qey ew şair wê ye, ne wî, lê ez î şaş bûm.  Dûra salên 2010î min di xatirayên Stefan Zweig da dî navê wî şairî. Stefan Zweig ser wan royên wan yên li Parîsê bi hez û hurmeteka mezin behsa Rainer Maria Rilke dike.  Bi gotina Stefan Zweig be, Rainer Marie Rilke însanekî kamil, kibar û titîz bûye têra xwe.  Stefan Zweig dibêje ew û Rainer Marie Rilke li Parîsê diketine her quncikî derdiketine û wî şairî li bajêr gava çavê wî li tabeleyaka herfên wê rîtmîk diketiye, ew tabela tekrar tekrar dixwendiye, ji şairîyê ye qey, qey ji rihê rîtmîk.  Dîsa salên 2010î min bi Behçet Necatigil ê hinek metnên Rainer Marie Rilke tercûmeyî Tirkî kiriye, şair çişkî din n...
DEWAMÊ BIXWÎNE >>>

Doğan Kılıç Wenda û Wenda Roja Newe

Resim
Kurdên Tirkîyê piştî bêdengîya demdirêj a li dû şikestinên Şêx Seîd û Seyîd Riza serê salên 1960î bi parçek serbestî ra nola ku hêdî hêdî hatibin ser hemd û hişên xwe bi kovar û kitaban, bi gazeteyan jinûve hatine xanê.  Wan salên li dû derbeya eskerî bi rêberîya Musa Anter, Deng , bi ya Edip Karahan, Dicle-Fırat û bi ya Doğan Kılıç jî Roja Newe derketiye.  Ser Deng û Musa Anter, ser Dicle-Fırat û Edip Karahan barek belge hene îro di destê me da, lê ser Doğan Kılıç û Roja Newe malumat heta van salên dawî têm kêm diman û hema bêje ti kesî tiştek nizanibû.  Roja Newe ya Doğan Kılıç di tarîxa Tirkîyê da gazeteya pêşî ye ku bi Kurdî û Tirkî derketiye. Wan salên 1960î di gazeteyên din da jî nivîsên bi Kurdî derketine, lê îbareya Roja Newe xusûsî ew e, gazeteya bi Kurdî û Tirkî.  Gazeteya tek hejmarek derketî û nola Doğan Kılıç wenda sala 2019an li  Milli Kütüphane  ya Enqerê bi xebatên Mutlu Can hat dîtin û li dîjîtalê hat barkirin.  Roja Newe ya sala 1...
DEWAMÊ BIXWÎNE >>>